فروج مشوي بيشهي… أطيب من الجاهز وأوفر

الوصفة تكفي 5–6 أشخاص، والتحضير نص ساعة بس… والباقي على الفرن

المكونات:

• فروجتين كبار (أو حسب عددكم)
• ملعقة ونص دبس بندورة
• ملعقة صغيرة دبس محمّر
• ملعقة كبيرة لبن أو زبادي
• ملعقتين صغار ملح (أو حسب الذوق)
• ملعقة صغيرة كركم
• ملعقة صغيرة كزبرة يابسة
• 4 فصوص ثوم مهروس
• عصير ليمونة
• ربع كوب زيت نباتي
• 3 ملاعق كبار خل
• وخضار على كيفكم (بطاطا، جزر، عرانيس ذرة…)

الطريقة:

1. نغسل الفروج منيح ونشرّحه شوي بالسكين.
2. نخلط كل المكونات مع بعض (يدوي أو بالخلاط) لحد ما يصير عنا تتبيلة خطيرة.
3. نفرك الفروج بالتتبيلة من جوّا وبرّا ونخليه بالبراد ساعة على الأقل.
4. نحطه بالأكياس الحرارية، وإذا بدكم طعمة أطيب، حطوا شوية خضار جوّا الكيس.
5. نرتبهم بالصينية وندخلهم على فرن حامي (200°) حوالي ساعتين.
6. بعد النضج، نطلع الفروج من الكيس ونرجعه على الصينية نص ساعة حتى يتحمّر ويصير لونه دهبي يفتح النفس.
7. نقدّمه مع كريم الثوم والخضار اللي بتحبوها… وبالهنا والشفا ❤️

• 💡 سر الطعمة: الخلطة مع التحمير الأخير بتعطي طعم ورائحة بتجنّن